Pakair kan

◼ Pwuhk kan me kitail pahn kihla nan April oh May: Kahn Iroir oh pwuhken Kupwurki. June: Loalokong Me Pahn Kahluwalahng Mour Soutuk. Nantihong tepida onop Paipel kan. July: Brochure kan me wiawihkihda pali 32.

◼ Sounkadehdehn Siohwa kan nan sampah pwon pahn pakairki mihting tohrohr de kapokon kan me pahn wiawi nan pahr 2009. Sounkalohk kan pahn kihseli doaropwe en luhk tohrohr nan arail wasahn kalohk. Doadoahk tohrohr wet pahn wiawi erein wihk siluh mwohn mihting tohrohr wet pahn wiawi.

◼ Sounkalohk kan koaros pahn ale badge ong mihting tohrohr sang nan mwomwohdiso. Irail me pahn iang kapokon kan nan sahpw teikan pahn doadoahngki badge ohte.

◼ Koasoandi en mihting kan pahn kakete wekidekla pwehn iang towehda mihting tohrohr. Nan Mihting en Kalohk me pahn wiawi nan wihk me mihting tohrohr pahn wiawi, ehu kousapahl en mehn kataman kan pahn wiawi. Sounpwong ehu de riau mwurin mihting tohrohr, mwomwohdiso kak doadoahngki padahk en anahn en sahpwet pwehn koasoiapene ire kan me sounkalohk kan perenkihda ong arail kalohk.

◼ Ma ke koasoanehdi en seiloaklahng nan ehu sahpw oh men towehda mihting kan de kapokon kan, ke anahne ntinglahng ohpis en Sounkadehdehn Siohwa kan nan sahpwo pwe ken ese wasa oh ahnsoun mihting de kapokon kan. Adres en ehuehu ohpis pwukat kin kileldi ni kaimwiseklahn pali en Pwuhken pahr kapw (lokaiahn wai).