Pakair kan
◼ Pwuhk kan me kitail pahn kihla nan July oh August: Brochure kan me wiawihkihda pali 32. September: Loalokong Me Pahn Kahluwalahng Mour Soutuk. October: Makasihn en Kahn Iroir oh Awake! Ni ahnsou me tohnihmw pahn perenki rong, kihla doaropwe en Ke Sou Men Esehla Duwen Padahk Mehlel? Ma tohnihmwo nainekier doaropwe wet, sounkalohk kan en nantihong tapiada onop en Paipel.
◼ Ma ke pahn mwemweitla nan ehu sahpw me sohte iang kileldi nan ripoht en pahr en kalohk de adres en sahpwo sohte iang kileldi nan kaimwiseklahn pali en pwuhken Pahr (Yearbook), menlau kehsehkin ohpis en Sounkadehdehn Siohwa kan nan omw wasa pwe ken kak ale kaweid kan me ke anahne en idawehn. Mwein doadoahk en Sounkadehdehn Siohwa kan nan sahpwo sohte kin mweimwei. (Mad. 10:16) Nan ekei sahpw kan, e sohte konehng irail me pahn mwemweitla nan sahpw pwuko en rapahki Sounkadehdehn Siohwa kan de mwomwohdiso kan. Mwein ke pahn ale kaweid kan me pid duwen kalohk ni ahnsou soh lipilipil de wahda ekei sawaspen Paipel kan. Omw kapwaiada kaweid wet pahn kak perehla pein kowe oh doadoahk nan sahpw pwukat sang kahpwal kan.—1 Kor. 14:33, 40.