Nantihong en Kapwungala Omw Madamadau

Koaros me men loalokongkihla padahk mehlel anahne nsenki en nantihong “salihedi soangen lamalam koaros pwe en peikiong Krais.” (2 Kor. 10:5) Met sohte kin mengei en wia ahnsou koaros, keieu laud ni ahnsou me madamadau ehu me kitail ahneki kin tengala rehtail. Karasepe, mwohn omw esehla padahk mehlel, mwein ke kin iang kawauwih rahnen kasarawih kan rehn omw peneinei. Ahpw mwurin omw tepida onop Paipel, ke diar me soangen kasarawih pwukat tepisang pelien lamalam me kaidehn Kristian kei. Mwein nin tapio ke ekis pweiek en kapwaiada dahme ke kin sukuhlki. Ahpw mwuhr, omw limpoak ong Koht wie kehlailla sang madamadau de padahk en pelien lamalam akan. Kowe eri uhdi oh sohla iang wia kasarawi kan me sohte kin kaperenda kupwuren Koht. Siohwa sou kin ketin kapaiada omw pilipil wet?—Pil kilang Ipru 11:25.

E kin ahnsou koaros wia kamwahupatail ni atail kin wia soahng kan nin duwen me Koht kupwurki. (Ais. 48:17, 18) Kahrehda ni ahnsou me atail wehwehki wasakis nan Paipel kin kapwungpwungla, kitail en perenda pwehki padahk mehlel eh wie kekeirda! Ni mehlel, atail kin nannanti en wehwehkihla Paipel kin kasalehda me kitail kekeid nan ahl me pwung. “Ahl me aramas pwung kan kin weid loale rasehng dakadahn ketipin me kin maramarainla lao rahn pwarada.”—Lep. Pad. 4:18.