Tepisang ni Ar Pwelel

En kisin seri kan arail koahiek en esehla oh wia soahng kapw kan uhdahn kapwuriamwei. Mendahki aramas laud kan kin apwalki koledi ehu lokaia kapw, seri kan me iang pwihn kaiahn kin kak koledi soangen lokaia riau de siluh nan erein ahnsou ieu. Dehr medewe me noumw serio nohn tikitik oh sohte kak kakairada irair mwahu kan. Ma kaweid en padahk mehlel en Paipel mwadang tepida oh wiewiawihte, mwurin sounpar kei ni serio eh pahn laudla, eh madamadau pahn audaudkihda loalokong me pahn kahrehiong “erpit me kak kahluweiukalahng nan mour soutuk.”—2 Tim. 3:15.