Kisin Wiepen Padahk kan

Tapiada Onop en Paipel ni Tepin Rahn Kaunop en November

Kasalehiong tohnihmwo kilin Kahn Iroir oh nda: “Ia duwen omw pahn sapengala peidek wet?” Rong pasapeng. Kihong ih ehu Kahn Iroir en October 2011, oh koasoiapene parakrap 1 oh 2 nan pali 7 oh pil ehu iren Paipel me kileldi wasao. Kihong ehu nah Kahn Iroir ma e men naineki oh koasoanehdi ken pwurala reh pwe kumwa en pil doula koasoia ire ko.

Kahn Iroir October 2011

Kasalehiong tohnihmwo kilin Kahn Iroir oh nda: “Ia duwen omw pahn sapengala peidek wet? [Rong pasapeng.] Menlau kilang dahme Paipel mahsanih. [Wadek 1 Sohn 5:19.] Nin duwen wasaht kasalehda, “Me Suwedo,” de Tepil, kin kakaun sampah. Eri met kin kahrehda peidek kan, duwehte: Ia wasa Tepilo kohsang ie? Tepilo uhdahn mie? Ia uwen werei Koht pahn ketin mweidohng ih en kin kakaun? Kahn Iroir wet kin kasalehda dahme Paipel mahsanih.”

Kahn Iroir October 2011

“Koaros kin lelohng kahpwal kan nan mour. Ekei pak, soangen kahpwal pwukat kin kahrehiong kitail kapwunod laud me aramas akan sohte kak kamwahwihala. Ke medewe kitail kak sohpeiong Koht pwehn ale kamweit ni soangen ahnsou ko? [Rong pasapeng.] Menlau kilang dahme Paipel mahsanihong kitail duwen met. [Wadek 2 Korint 1:3, 4, kowe eri kasalehiong tohnihmwo ire kan ni tepin pali 24.] Kahn Iroir wet kin kasalehda me Paipel pahn kasalehiong kitail dahme kitail anahne wia pwe kitail en ale kamweit me Koht pahn ketikihong kitail ni ahnsou me kitail anahne.”