Kisin Wiepen Padahk kan

Pwehn Tapihada Onop en Paipel kan ni Tepin Rahn Kaunop en March

“Ekei aramas kin kamehlele me Paipel iei pwuhken kokohp ehu me ke kak likih. Meteikan kin medewe me ke sohte kak uhdahn wehwehki kokohp kan loale oh wehwehn kokohp pwukat kin tohto oh pil wekpeseng. Ia omw madamadau?” Rong pasapeng. Kihong tohnihmwo Kahn Iroir en February 1 oh koasoiapene audepen keieu en sawaspen oaralap nan pali 11 oh pil iren Paipel ehu de riau. Idek ma e men naineki ehu Kahn Iroir oh koasoanehdi ken pwurala oh koasoia peidek en mwurio.

Kahn Iroir February 2012

“Ke kamehlele me kitail kak sukuhlki mehn kasukuhl tohto sang rehn ohl oh lih akan nan poadopoad? [Rong pasapeng.] Iretikitik wet kin koasoia duwen ohl ndand men me ih kelehpw Paipel kin kahdaneki ‘kompoakepahn Koht.’ [Wadek Seims 2:23.] Kisin pwuhk wet kin kawehwehda dahme kahrehda Koht kin ketin kamwarehki Eipraam kompoakepah oh dahme kitail kak sukuhlki sang mehn kahlemeng en Eipraam.”

Kahn Iroir February 2012

“Dahme kak sewese lih pwopwoud men en ahneki mouren pwopwoud nsenamwahu? [Rong pasapeng.] Tehk dahme Mahsen en Koht sapengki peidek wet. [Wadek 1 Piter 3:3, 4.] Nan Paipel, kitail kak sukuhlki duwen Sara, lih men me kin kasalehda irair kaselel pwukat. Kisin pwuhk wet kawehwehda ia duwen lih pwopwoud kan rahnwet arail kak sukuhlki sang eh mehn kahlemeng mwahu kan.” Kasalehiong ih ire kan nan pali 7.