Kousapahl en Sukuhl ong Sapwellimen Koht Doadoahk
Peidek pwukat pahn wiawi nan Sukuhl ong Sapwellimen Koht Doadoahk nan wihk me pahn tepida August 26, 2013. Rahn me padahk pahn wiawi duwen ehuehu ire pwukat kileldier pah pwe emen kak wia eh roporop oh kaunopada ong sukuhlo ehuehu wihk.
1. Ire kesempwal dah me kitail kak sukuhlki sang en Nanmwarki Erod eh men ale kaping oh lingan sang rehn aramas me konehng en kohwongete Koht? (Wiewia 12:21-23) [July 1, w08 5/1 pali 32 par. 6]
2. Ia duwen Kristian pwulopwul kan ar kak paiekihda ni ar kasawih oh idawehn mehn kahlemeng en Timoty? (Wiewia 16:1, 2) [July 8, w08 5/1 pali 32 par. 9]
3. Mwurin Akwila oh Persila ara rong ahn Apolos “eimah padapadahk” nan sinakoke nan Episos, ia duwen ara ni limpoak sewese ih? (Wiewia 18:24-26) [July 15, w10 6/1 pali 13 par. 4]
4. Ia iren Paipel kan me kahrehda Sounkadehdehn Siohwa kan ar kin doadoahngki mwoalen kopwung nan sapwarail pwehn pere arail pwuhng en kalohk? (Wiewia 25:10-12) [July 22, w08 5/1 pali 32 par. 14]
5. Ia duwen wahnpoaron Pohl eh kin pousehlahte diar elen kalohk kan mendahki eh sensel nan Rom, oh ia duwen sapwellimen Siohwa ladu kan rahnwet ar kin idawehn eh mehn kahlemeng? (Wiewia 28:17, 23, 30, 31) [July 29, w12 1/1 pali 16-17 par. 18-21]
6. Dahme kahrehda Paipel kin kadeikada wiewiahn ohl mwahuki ohl oh wiahki met mehkot sapwung oh samin? (Rom 1:26, 27) [Aug. 5, g-E 1/12 pali 28 par. 7]
7. Ia duwen “tomw me Krais Sises kin ketikihda” nan pahr 33 kin kak pwainla “dihp kan me wiawi keilahn aio” mwohn eh pweipweila? (Rom 3:24, 25, NW) [Aug. 5, w08 6/1 pali 29 par. 6]
8. Soangen koasoandi limpoak dah me Siohwa ketin wiahda ni ahnsou me kitail lelohng irair kan me inenen apwal oh sehsehla dahme kitail pahn kapakapki? (Rom 8:26, 27) [Aug. 12, w08 6/1 pali 30 par. 10]
9. Ia wehwehn kaweid en “kasamwo mehn keiru kan”? (Rom 12:13) [Aug. 19, w09 10/1 pali 11-12 par. 12-13]
10. Ia duwen atail kak “pwuhriong atail Kaun Sises Krais” nin duwen kaweid en wahnpoaron Pohl? (Rom 13:14, NW) [Aug. 26, w05 1/1 pali 21-22 par. 20-22]