Doadoahngki Neitail Web Site Pwehn Padahki Noumw Seri kan
1. Ia kahrepen wasa me nda “Children” nan neitail Web site?
1 Neitail Web site, jw.org kin wiawihda pwe en mwahu ong soangsoangen sounpar en aramas koaros. Nan Web site, wasa me nda “Children” (kohla ni Bible Teachings > Children) sewese seri kan oh arail pahpa oh nohno ren kerenpene oh karanihala Siohwa. (Deud. 6:6, 7) Ia duwen omw kak doadoahngki pali wet pwehn padahki noumw seri kan?
2. Ia duwen omw kak pilada iren onop me konehng sounpar en noumw seri kan?
2 En Materek: Emenemen seri kin wekpeseng arail anahn. (1 Kor. 13:11) Ia duwen omw kak pilada iren onop me pahn konehng sounpar en noumw seri kan? Idek rehmw: ‘Dahme nei seri kan pahn perenki? Ia uwen me re pahn kak wehwehki. Ia uwen werei arail pahn mwomwohd oh rong kanahieng?’ Ma seri me sounpar siluh de tikitiksang, ke kak doadoahngki soai kan me mi pahn “My Bible Lessons.” Peneinei teikan kin perenki poadopoad en Paipel kan wasa me nda “Teach Your Children.” Pil tehk iren sawas pwukat pah.
3. Ia duwen pahpa oh nohno ara kak doadoahngki mwahu stories oh activities me mi pahn “Family Worship Projects”?
3 Family Worship Projects: Mehn kasukuhl pwukat kin wia mehn sawas ong tapwin peneinei en onop rehn nah seri kan. Pwehn esehla mwomwen omw pahn doadoahngki stories oh activities, padik pwoatin me nda download oh wadek “Parents’ Guide” ong ehuehu iren onop (project). Doadoahngki picture activity me duwehte mahlen kan wasa me wiawihda ong color pwehn padahkih noumw seri tikitik kan. Sewese seri me ekis laud kan ren kanekehla study activity. Koaros activity pwukat kin kohsang ehu poadopoad en Paipel, kahrehda dihen seri koaros kak iang wia iren mehn kasukuhlo.
4. Dahme kak dierek nan wasa me nda “Become Jehovah’s Friend”?
4 Become Jehovah’s Friend: Videos, songs, oh activities wasaht nan neitail Web site kin sewese pahpa oh nohno en padahkihong neira seri kan Mahsen en Koht. (Deud. 31:12) Ehuehu kasdo mwotomwot kin padahngki ire kesempwal ehu. Mwadong me nda rapahki oh diar (search-and-find) kin kasalehda kesempwalpen ireo. Pwehki seri kan kin perenki koul, koul kan kin sewese seri kan ren tamataman dahme re sukuhlkihdi. Koul en kaping ong Siohwa oh koul kan me wiawihda ong seri kan kin kohda ahnsou koaros.
5. Dahme kahrehda pahpa nohno anahne peki Siohwa en ketin sewese ira en padahkihong neira seri kan padahk mehlel?
5 Pahpa nohno, Siohwa kupwurki kumwa en wia pahpa oh nohno me kin pweida. Eri, peki reh en ketin sewese kumwa en padahkihong noumwa seri kan padahk mehlel. (Sounkopwung 13:8) Sang ni sapwellimen Siohwa sawas, kumwa kak kaiahnehda noumwa seri kan en ahneki ‘erpit me kak kahluwairaillahng nan mour soutuk sang ni arail pwoson Krais Sises.’—2 Tim. 3:15; Lep. Pad. 4:1-4.