Pakair kan

Pwuhk kan me kitail pahn kihla nan February: Doadoahngki ehu rehn neitail kisin pwuhk me pali 32: Rohng Mwahu Sang Rehn Koht! de Rong Koht pwe Ken Mour Kohkohlahte. March oh April: Kahn Iroir. Ni omw pahn pwurala rehn aramas akan, kasalehiong irail pwuhken Paipel Padahngki de kisin pwuhk Rong Koht pwe Ken Mour Kohkohlahte, ma ihme konehng aramaso oh nantihong tapiada onop Paipel reh. May: Dahme Paipel Uhdahn Padahngki? de ehu ren kisin doaropwe pwukat: Dahme Ke Kin Medemedewehki Paipel?, Ia Omw Madamadau ong Ahnsou Kohkohdo?, Dahme Keieu Kesempwal ong Mouren Peneinei Nsenamwahu?, Ihs me Uhdahn Kaunda Sampah? de Lokolok Pahn Imwisekla?

Oaralap en kapahrek tohrohr ong 2014 me pahn wiawi mwurin ahnsoun Kataman iei “Dahme Koht Limpoak Men Kin Ketin Mweidohng Suwed en Mihmihkihte?”

Ni omw kin doadoahngki tehpel de dewpen pwuhk me mie mehn kadahr ong doadoahk en kalohk ong wehi pokon, sounkalohk kan sohte pahn kapwara Paipel. Ahpw re kak wahda oh kihong irail kan me peki de uhdahn men esehla padahk mehlel.