Rohng Kapw me Pid Kalohk
Nan February 2014, kisin pwihn tikitik ehu en sounkalohk kan nan Marshall wia ehu seiloak kaperen en wihk riau kalohkla nan kisin deken Wotje. Erein arail seiloak, re kihla kisin pwuhk meh 531, makasihn 756, pwuhk 7, oh tapiada onop en Paipel riau. Re kihdi ekei kisin koakon kan en pwuhk rehn me perenki rong kan pwe ren kak wadek oh ehukihong arail peneinei oh kompoakparail kan lao re pahn kak pwurehng pwurala rehrail.