Pakair kan

◼ Pwuhk kan me kitail pahn kihla nan September oh October: Kahn Iroir. Ni omw pahn pwurala rehn aramas akan, kasalehiong irail pwuhken Paipel Padahngki de, kisin pwuhk Rong Koht pwe Ken Mour Kohkohlahte, ma ihme konehng aramaso, oh nantihong tapiada onop en Paipel reh. November oh December: Dahme Paipel Uhdahn Padahngki? de Ke Sou Men Esehla Duwen Padahk Mehlel?

◼ Kapahrek tohrohr ong ahnsoun Kataman en pahr 2015 pahn wiawi ni wihk en April 6. Oaralap en kapahreko pahn pakair mwuhr. Mwomwohdiso kan me mie mwemweit en sounapwalih me kin seiloak de mihting tohrohr ni imwin wihko pahn wia kapahrek tohrohr wet ni wihk en mwurio. Sohte mwomwohdiso pahn wia kapahrek tohrohr wet mwohn April 6.

◼ Tepida nan September, sounapwalih me kin seiloak pahn wia kapahrek ong wehi pokon me oaralap koasoia “Ia duwen Sapwellimen Koht Erpit kin wia Kamwahu ong Kitail.”