Kisin Wiepen Padahk kan
Kahn Iroir July 1
“Pwehki kitail sehse mwomwen mour mwohtail, ke medewe me sapwellimen Sises kaweid nan ire wet kak kadoadoahk rehtail pwehn powehdi atail pwunod kan? [Wadek Madiu 6:25, oh mweidohng tohnihmw en sapeng.] Kahn Iroir wet kin koasoia ia duwen atail pahn kapwaiada kaweid en Paipel kan me kak sewese katikala atail kahpwal kan me pid kahpwal en mwohni, kahpwal nan peneinei, oh pein atail kahpwal kan.”
Rohng Mwahu Sang Rehn Koht!
“Aramas tohto kin men kapakap, ahpw keieu ni arail ahneki kahpwal kan. Ke kin kapakap ekei pak? [Mweidohng tohnihmw en sapeng.] Ia duwe, ke medewe me Koht kin ketin karonge kapakap kan koaros, de e sohte kin ketin kupwurki ekei atail kapakap? [Mweidohng tohnihmw en sapeng.] I wahda kisin pwuhk ehu me kasalehda mwomwen atail kak diarada pasapengpen Paipel ong peidek pwukat. [Kihong ih ehu kisin pwuhk oh kumwa koasoiapene keieun parakrap en iren mehn kasukuhl 12 oh wadek iren Paipel kan me lepin lokaia “wadek” iang.] E sou kaselel me Koht ketin kupwurki karonge kitail? Ahpw pwehn ale sawas laud sang kapakap, kitail anahne esehla mwahu duwen Koht. [Pahkalahng iren mehn kasukuhl 2 oh kasalehiong sawasepen oaralap ko.] Ma ke mwahuki, I kak pwilikihdi kisin pwuhk wet rehmw, oh I kak pwurodo pwe kita en wadekpene pasapeng kan sang Paipel ong peidek mwahu pwukat.”
Rohng Mwahu Sang Rehn Koht!
“Kahrepen ei kohkihdo iei pwehki aramas tohto kin pwunodki dahme kin wiewiawihong sampah. Ia duwe, ke medewe me irair kan en sampah pahn mwahula? [Mweidohng tohnihmw en sapeng.] Aramas tohto kin pwuriamweikihla arail diarada me Paipel audaudki rongamwahu me kak kihong kitail koapworopwor. Iet akan ekei peidek me Paipel sapengala.” Kihong ehu kisin pwuhk, oh mweidohng en pilada ehu peidek me e pahn keieu perenki sang ni tihnsewen kisin pwuhko. Kowe eri kohlahng iren mehn kasukuhlo oh kasalehong mwomwen onop eh kin wiawi. Koasoanehdi en pwurala reh oh koasoiapene pil ehu peidek nan iren mehn kasukuhlo.