Kalaudehla Atail Koahiek nan Doadoahk en Kalohk​—Sair Mohngiong en Tohnsukuhl ni Omw Doadoahngki “Dadaurete ni Limpoak en Koht”

DAHME KAHREHDA E KESEMPWAL: Aramas anahne sukuhlki sapwellimen Siohwa koasoandi kan oh idawehn pwe en kak kaudokiong ih ni ahl me e kupwurki. (Ais. 2:3, 4) Pwuhken “Limpoak en Koht”, keriaun neitail pwuhken onop, kin sewese tohnsukuhl en Paipel kan en wehwehkihla duwen kaweid kan oh ire mehlel kan sang Paipel ar kin pidada arail mour ehuehu rahn. (Ipru 5:14) Kitail en wia uwen atail kak en sair mohngiongirail ni atail kin kasukuhlih irail pwe ren ahneki kahrepe mwahu kan en wiahda wekidekla kan.​—Rom 6:17.

IA DUWEN OMW PAHN WIA MET:

• Kaunopada mwahu, medemedewehte anahn en noumw tohnsukuhlo. Kaunopada peidek kan me pahn seweseiuk en kamwakid ih en kasalehda eh madamadau oh pepehm duwen ireo.​—Lep. Pad. 20:5; be-E 259

• Doadoahngki kakon kan nan pwuhko en sewese noumw tohnsukuhlo en wehwehki kesempwalpen doadoahngki kaweid kan oh ire mehlel kan en Paipel

• Sewese noumw tohnsukuhlo en medemedewe ia duwen eh pahn doadoahngki kadeikpen loale, ahpw dehr wiahda eh pilipil ong ih.​—Kal. 6:5

• Ni elen koahiek tehk ma noumw tohnsukuhlo anahne sawas ni eh kin doadoahngki kaweid kan oh ire mehlel kan sang nan Paipel. Ni kadek kangoange ih en wiahda wekidekla kan pwehki eh limpoak ong Siohwa.​—Lep. Pad. 27:11; Sohn 14:31