SOAHNG KESEMPWAL KAN SANG MAHSEN EN KOHT | MARK 3-4
Kamwahwihala ni Rahnen Sapad
Dahme kahrehda Sises ketin mworuskihla wiewiahn kaunen pelien lamalam en mehn Suhs ko? Pwehki irail kahrehiong Sapado eh apwalla ni ar kapatahiong kosonned tohto. Karasepe, e sohte mweimwei en kemehla likarak emen. En kamwahwihala emen mweimwei ihte ma mouro mi nan keper. Met wehwehki me tih ohla kan de tih piselpeseng sohte kak kamwahula ni rahnen Sapad. E sansal me kaunen pelien lamalam kan sohte uhdahn nsenohki ohl me peh mwoatoro.