Ke Kin Kilang Sapwellimen Koht Irair Soh Sansal kan?

Ni omw kin kilang rohs lingan ehu, diren usu pahnlahng, de ngiringirisek en tenihr ehu, ke kin kilang wiepen nin limen Sounkapikadao? Kapikipik kapilkitailpene kan kin kasalehda ni sansal sapwellimen Siohwa irair soh sansal kan. (Ro 1:20) Ni atail kin uhdi pwehn medewe dahme kitail kin kilangki masatail kan, kitail kak kilang sapwellimen Koht kehl, limpoak, erpit, pwung pahrek, oh pil sapwellime kadek sapan.​—Me 104:24.

Ia ekei sapwellimen Siohwa kepikipik kan me ke kin kilang ehuehu rahn? Mehnda ma ke pil kin kousoan nan kahnimw laud ehu, ele ke kin kilangada menpihr kan de tuhke kan. Kasakasawih mwahu sapwellimen Siohwa kepikipik kan kak sewese kitail en katikala atail pwunod, medemedewehte soahng keieu kesempwal kan, oh kalaudehla atail likih sapwellimen Siohwa koahiek en ketin apwahpwalih kitail kohkohlahte. (Md 6:25-32) Ma mie noumw seri, sewese irail en kilang sapwellimen Siohwa irair kan me sohte mehkot me kak pahrekiong. Ni atail kin kalaudehla atail kalahnganki kepikipik kan me kapilkitailpene, kitail pahn karanihala Sounkapikadao.​—Me 8:3, 4.

KILANG KISIN KASDO THE WONDERS OF CREATION REVEAL GOD’S GLORY​—LIGHT AND COLOR, OH MWURI SAPENGALA PEIDEK PWUKAT:

• Ia duwen soahng kan me kin wiahda poh (pigment) eh kin kahrehda kitail en kak kilang poh kan?

• Dahme kin wiahda soangsoangen poh kan me lingaling oh kin weliweliali?

• Dahme kahrehda kitail kin kilang soangsoangen poh kan nanleng?

• Soangen poh me inenen kaselel dah kan nan kepikipik me ke kilangehr karanih omw wasa?

• Dahme kahrehda kitail anahne kihong ahnsou pwehn kasakasawih mwahu audepen sampah?