SOAHNG KESEMPWAL KAN SANG MAHSEN EN KOHT

Siohwa Kin Ketin Koasoanehdi Sapwellime Aramas

[Kasalehda kisin kasdo Introduction to Numbers.]

Mehn Israel kan kauwada imwarail impwal kan ni keinek siluh tohrohrpeseng (Nem 1:52, 53; w94-E 12/1 9 par. 4)

Uwen tohtohn aramas nan kahnimpwalo ele patpene meh 3,000,000 de tohtohsang (Nem 2:32, 33; it-1-E 397 par. 4)

Siohwa ketin kupwurki sapwellime aramas akan ren kaudokiong ih ni ahl me soandi mwahu. Ahpw mehlel ong wehin Israel, oh pil ong kitail rahnwet.—1Ko 14:33, 40.

Kilengdiong pohn kairekdien kahnimpwal en Israel. Impwal sarawio me mi nanwerenge. Me karanih impwal sarawi iei peneinei kan en keinek en Lipai: Aaron ni palimese, mehn Kohad kan ni palieir, mehn Kerson kan ni palikapi, oh mehn Merari kan ni paliepeng. Keinek 12 en Israel ko dohlasang irail. Ni palimese Isakar, Suda, oh Sepulon. Ni palieir Kad, Reupen, oh Simion. Ni palikapi Pensamin, Epraim, oh Manase. Ni paliepeng Napdali, Dan, oh Aser.

PEIN IDEK REHMW, ‘Ia duwen ei kak kasalehda me I kin uhdahn utung sapwellimen Siohwa pwihn?’