Me Pwulopwul kan​—Wehkohng Omw Pahpa Nohno Audepen Mohngiongomw

Dahme kahrehda ke anahne song koasoiaiong omw pahpa nohno dahme ke kin medemedewe? (Lep 23:26) Pwehki Siohwa ketin kapwukoahkin ira en apwalih oh kaweid uhk. (Me 127:3, 4) E pahn apwal ong ira en seweseiuk ma ke sohte koasoia dahme ke kin nsenohki oh pwunodki. Oh pil ke pahn katihasang omw ese soahng mwahu kan me wiawihong ira nan ara mour. Ia duwe, e sapwung ken sohte koasoia ekei omw madamadau kan? Kaidehn ahnsou koaros, ahpw kanahieng pwe ken dehr pitiheki omw pahpa nohno ren kamehlele dahme sohte mehlel.​—Lep 3:32.

Ia duwen omw kak koasoiong omw pahpa nohno? Song pilada ahnsou me mwahu ong uhk oh ira. Ma e apwal, ke kak ntingihong emen ira kisinlikou ehu pwehn kasalehda omw pepehm kan. Ia duwen ma ira men koasoia ire ieu me ke sohte men koasoia? Tamataman me ira uhdahn men seweseiuk. Wiahkin ira iengomw a kaidehn imwintihti. Ke pahn paiekihda erein omw mour de mour soutuk, ni omw nantihong koasoiong omw pahpa nohno ni saledek!​—Lep 4:10-12.

KILANG KISIN KASDO MY TEEN LIFE​—HOW CAN I TALK TO MY PARENTS? OH MWURI SAPENGALA PEIDEK PWUKAT:

• 

  Dahme Esther oh Partik esehda duwen pein ira?

• 

  Dahme ke kak sukuhlkihsang sapwellimen Sises mehn kahlemeng?

• 

  Ia duwen omw pahpa nohno ara kin kasalehda me ira nsenohkin uhk?

• 

  Mehnia kaweid en Paipel me kak seweseiuk en koasoiong omw pahpa nohno?