OCTOBER 7-13
MELKAHKA 92-95
Koul 84 oh Kapakap | Tepin Koasoi kan (minit 1)
1. Papah Siohwa Iei Elen Mour me Keieu Mwahu!
(minit 10)
Siohwa ketin warohng atail kaudok (Me 92:1, 4; w18.04 26 par. 5)
E kin ketin sewese sapwellime aramas akan ren wiahda pilipil kan me pahn kahrehiong ren nsenamwahu (Me 92:5; w18.11 20 par. 8)
E kin ketin kesempwalki irail kan me kin papah ih mehnda ma re mahlahr (Me 92:12-15; w20.01 19 par. 18)
PEIN IDEK REHMW, ‘Dahme kauhiehdihsang ien inoukihong Siohwa ei mour oh papidaisla?’
2. Ire Kesempwal kan
(minit 10)
Me 92:5—Ia duwen mahsen pwukat eh kin kawehwehda mwahu sapwellimen Siohwa erpit? (cl 176 par. 18)
Ire kesempwal dah kan sang wadawad en Paipel en wihket me ke men ehukihong meteikan?
3. Wadawad en Paipel
(minit 4) Me 94:1-23 (th mehn onop 5)
4. Tepida Koasoiong Emen
(minit 4) KALOHK NI AHNSOU SOHTE LIPILIPIL. Rapahkihda ahnsou mwahu en ndaiong aramaso duwen doadoahk me ke kin wia nin duwen tohnpadahk en Paipel men. (lmd iren mehn kasukuhl 5 ire 3)
5. Pwurehng Koasoipene
(minit 3) KALOHK NI AHNSOU SOHTE LIPILIPIL. Kawehwehda mwomwen onop Paipel rehn emen me men rong, me mahso sohte men onop. (lmd iren mehn kasukuhl 8 ire 4)
6. Katohnpadahk
(minit 5) Koasoakoasoipene rehn tohnsukuhl en Paipel men me sohte kekeirda. (lmd iren mehn kasukuhl 12 ire 5)
Koul 5
7. Ni Pwunod Eh Kin Kipehdi me Pwulopwul kan
(minit 15) Padahk oh koasoiapene.
Irail kan me kin papah Siohwa kin pil ahneki pwunod laud. Karasepe, Depit lelohng soangsoangen kapwunod kan nan eh mour, duwehte riatail tohto nan rahnpwukat. (Me 13:2; 139:23) E kansensuwed me irail me pwulopwul kan pil kak ahnekihda pwunod laud. Ekei pak, pwunod laud kin kak kahrehiong ren uhdahn apwalki wia soahng kan me re kin kalapw wia, me duwehte kohla sukuhl oh iang towehda mihting kan. Met pil kak kahrehiong ren uhdahn masepwehkada de ahneki madamadau en pein kemeirailla.
Ma kumwail me pwulopwul kan pehm me kumwail sohla kakohng amwail pwunod kan, koasoiong amwail pahpa de nohno, de emen me laud oh koahiek. Oh pil taman kin kapakapki sawas rehn Siohwa. (Pil 4:6) E pahn ketin seweseiuk. (Me 94:17-19; Ais 41:10) Tehk en Steing mehn kahlemeng.
Kasalehda KISIN KASDO Jehovah Cared for Me. Mwuri idek rehn me rongorong kan:
• Iren Paipel dah me sewese Steing, oh dahme kahrehda?
• Ia duwen Siohwa eh ketin apwalih ih?
Pahpa nohno kan, kumwail kak sewese noumwail seri kan ren ese dahme re kak wiahiong arail kapwunod kan ni amwail kin kanengamah oh rongorong irail, ni amwail kin kasalehiong irail me kumwail poakohng irail, oh ni amwail kin sewese irail en kakairada arail likih sapwellimen Siohwa limpoak. (Tit 2:4; Sei 1:19) Likih Siohwa en ketikihong uhk nsenamwahu oh kehl me ke anahne pwe ken sewese noumw seri kan.
Kitail ele sehse iahd me emen nan mwomwohdiso kin ahneki kahpwal en pwunod laud, de kitail sohte wehwehki eh pepehm. Ahpw, kitail kak sawas ni atail kin kahrehiong koaros nan mwomwohdiso ren pehm me kitail poakohng irail oh me irail wia kisehn mwomwohdiso.—Lep 12:25; Ipr 10:24.
8. Onop en Paipel en Mwomwohdiso
(minit 30) bt irelaud 16 par. 6-9, koakon nan pali 150