B1
Rohng Sang nan Paipel
Siohwa Koht ketin sapwellimanki pwuhng en kaunda. Sapwellime elen kaunda me keieu mwahu. Kupwure ong sampah oh tohnsampah pahn pweida.
Mwurin Pahr 4026 B.C.E. “Serpento” peidengki sapwellimen Siohwa pwuhng en kaunda oh sapwellime elen kaunda. Siohwa ketin inoukihda me e pahn idihada ‘kadaudok’ men me ehu rahn pahn kamwutepene serpento, Sehdan. (Senesis 3:1-5, 15) Ahpw Siohwa ketin mweidohng aramas akan ahnsou en kaunda pein irail pahn kaundahn serpento. |
Pahr 1943 B.C.E. Siohwa ketin mahsanihong Eipraam me ‘kadaudok’ me e ketin inoukihda pahn kohsang kadaudoke kan.—Senesis 22:18. |
Mwurin Pahr 1070 B.C.E. Siohwa ketin kamehlelehiong Nanmwarki Depit oh mwuhr nah pwutak Solomon me ‘kadaudok’ me Siohwa ketin inoukihda pahn kohsang nan ara peneinei.—2 Samuel 7:12, 16; 1 Nanmwarki 9:3-5; Aiseia 9:6, 7. |
Pahr 29 C.E. Siohwa ketin kasalehda me Sises iei ‘kadaudoko’ me inoupe mie, me pahn sohsohki mwoalen Depit.—Kalesia 3:16; Luk 1:31-33; 3:21, 22. |
Pahr 33 C.E. Serpento, Sehdan, ni ahnsou mwotomwot kauwehla ‘kadaudok’ me inoupe mie sang ni eh kemehla Sises. Siohwa ketin kaiasada Sises ong mour nanleng oh ketin alehdi pweinen sapwellimen Sises mour unsek, eri e ketikihda poahsoanpen mahkpen dihp oh poahsoanpen eh pahn ketikihong kadaudok en Adam kan mour soutuk.—Senesis 3:15; Wiewia 2:32-36; 1 Korint 15:21, 22. |
Mpen Pahr 1914 C.E. Sises ketin kesepwekedihlang serpento, Sehdan, nin sampah oh salihedi ih wasao ong ahnsou mwotomwot.—Kaudiahl 12:7-9, 12. |
Ahnsou Kohkohdo Sises pahn ketin salihedi Sehdan ong sounpar 1,000 oh mwuri e pahn ketin kasohrehla ih, ni karasaras kamwutepene moangeo. Kupwuren Siohwa nin tapio ong sampah oh tohnsampah pahn pweidahr, mwareo pahn sansalda oh sohla me pahn kak kauwe, oh sapwellime elen kaunda pahn sansalda.—Kaudiahl 20:1-3, 10; 21:3, 4. |