Koul 43 (98)

Pepeiki Pwoson

(Sud 3)

1. Duwen Sises Krais kohpadahr,

Me suwed pahn dir sampah.

Limpoak en me dir pahn loula;

Malaulau ahneki pwoson.

Ihme kitail en pil uhki

Pwoson me mwomwohdiso

En Kristian kin alehdier,

Re kin pwoson Mahsen en Koht.

2. Dehr mweidohng Tepil en kihsang

Aht pwoson kokohp akan;

Sang onop, kapakap, kalohk,

Aht pwoson en kin tengeteng.

Ni aht nantihong kin uhki,

Dehr peikasal, dehr masak,

Kitail pahn kin sawaspene

Pwe koaros en kak powehdi.

3. Wia elen kalohk koaros

Ni aht peiki padahk pwung.

Kalohk ni eimah, lelepek

Lao lel koasoandi wet ohla.

Ni linganla en Siohwa

Suwed pahn sohlahr mie,

Ahpw, kitail pahn ale komour

Ki sapwellime kaundahn lahng.