Koul 80 (180)

Pein Sapwellimen Koht Pwuhk—Pai Kesempwal

(Lepin Padahk 2:1)

1. Mie pwuhk ehu me sang teh kan me tohto,

hdohng kiht meleilei oh kakehlpat.

Mahsen kan loale mwekidki manaman;

Kamourda “mehla,” oh kihsang “maskun.”

Pwuhk kesempwal wet: Sapwell’men Koht Paipel.

Ohl kei mahs ntingki kaweid en Koht,

Ohl kan me kin poakohng ahr Koht, Siohwa;

Oh mwekid pahn kehl en Ngehn Sarawi.

2. Re ntingih duwen ahn Koht kapik’pik,

Ah kehl wiahda audepe koaros.

Re pil nda me tepin ohl me unsek

Oh dahme paradais salongkihla.

Re pil koasoia duwen tohnleng emen

Me pelian ahn Siohwa kaunda.

Pelian wet imw’kihla dihp oh pahtou,

Ahpw kereniong Siohwa pahn kana.

3. Rahnwet kitail kousoan ahnsoun peren laud.

Wehin Koht ipwidier rehn Krais me Kaun.

Rahnwet me Siohwa ket’kihda komour

Ohng koaros me iang Ih keid ni mehlel.

Rohng kaperen kan dierek nan pwuhk wet;

Pwuhk wet mwahu sang kohl me pil keieu mwahu.

Kihda koapworopwor me uhdahn sikla;

Mahsen wet mwahu sang koaros sangehr mahs.