Koul 82 (183)

Dewen me Pwulopwul nan Koasoandi en Koht

(Melkahka 148:12, 13)

1. Mie dewen koaros nan koasoandi en Koht.

Koht men me mah oh pwul’ en kawahu mware.

Koaros pwulopwul me peik ong Koht me lingan

Ni ahr kin kalohki Wehio sampah pwon.

Ia wen kehlail en kadehde me re kihda!

Re kin min, oh kaunop mwahu oh kihda wahu!

Re kesempwal rehn Siohwa ni ahr papah;

Ohng me mah kan, re pil kin wahdo peren.

2. Koaros me pwulopwul me ese Siohwa,

Ia wen rahno a pahn kaperen ohng ihr!

Medewehla soahng kan me kaunop’dahng mwohrail

Mour nan Paradais oh solahr pahn mehla!

Ahpw, ahnsou wet kitail kin mih pahn kanaudok

Sang koasoandi wet me pahn mwadang ohla.

Kitail peiki kehlail lao kitail powehdi;

Lelepek ohng Wehio—uhdahn kesempwal.

3. Pwihn en ‘Iohwa kak kihong ihr koampoakpahr mwahu.

Mehnda rapahki werek suwed sampah?

Re iang wia mehkan me pahn keir’irailda,

Me mih nan sapwell’men Koht Pwuhk Sarawi.

Ni apwal, repen sawas rehn me poakohng ihr,

Wehkada arail katoutou kan koaros.

Pwe Kompoakepahr me keieu iei Siohwa;

Re pahn diar me E wehwe oh pil mahk.

4. Kitail towe kei en mwomwodisohn Kristian,

Wasa Krais kihda atail anahn koaros.

Sang atail lelepek kitail keidohng limwah;

Kitail peik ong ah kaweid akan koaros.

Kitail dehr mweidohng sampah en kol’kitaildi;

Mahsen en ‘Iohwa widen aht lamalam.

Oh me mah oh me pwulopwul pahn kak dadaur,

Met pahn wehwehki kapinga Ih soutuk.