Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • lr irelaud 12 pp. 67-71
  • Sises Ketin Padahkihong Kitail Duwen Kapakap

Sohte kasdo ong met

Kupwurmahk, mehkot sapwung en kihda kasdo

  • Sises Ketin Padahkihong Kitail Duwen Kapakap
  • Sukuhlki Sang Sounpadahk Lapalapo
  • Ire kan me Duwehte Met
  • Pwais Kaselel en Kapakap
    Dahme Paipel Kak Padahkihong Kitail?
  • Karanihala Koht Sang ni Kapakap
    Pereperenki Mour Kohkohlahte!​—Koasoiapene Duwen Paipel
  • Kereniong Koht ni Kapakap
    Dahme Koht Kupwurki Kitail en Wia?
  • Kesempwalki Omw Kisakis en Kapakap
    Kahn Iroir Pakpakairki Wehin Siohwa (Ong Onop)—2022
Kilang Pil Ekei
Sukuhlki Sang Sounpadahk Lapalapo
lr irelaud 12 pp. 67-71

IRELAUD 12

Sises Ketin Padahkihong Kitail Duwen Kapakap

KE KIN koasoiong Siohwa Koht?— E kupwurki ken wia met. Ni ahmw kin koasoiong Koht, ke kin kapakap. Sises kin kalapw patohong Semeo me ketiket nanleng. Ekei pak e kin men kelehpwla ahnsou me e kin kapakapohng Koht. Ehu ahnsowo, Paipel mahsanih me e ‘ketidahla kelehpwla pohn dohl ehu oh kapakap ie. E ahpw ketikette wasao kelekelehpw, wasa lao rotorotpene.’​—Madiu 14:23.

Ia wasa ke kak kelehpwla oh kapakap ong Siohwa?— Mwein ke kak kelehpwla oh kapakapohng Siohwa mwohn ke pahn meirla nipwong kan. Sises mahsanih: “Ni amwail pahn kin kapakap, kumwail pedolong nan amwail pere, ritingedi wenihmw, kumwail ahpw kapakapohng Samamwail.” (Madiu 6:6) Ke kin kapakapohng Siohwa mwohn ke meirla nipwong kan koaros?— Ke anahne wia met.

[Kilel kan nan pali 67]

Sises ketin kapakap ni eh kelehpwla oh ni eh ketiket rehn meteikan

Sises pil kin ketin kapakap rehn meteikan. Ni ahnsou me kompoakepah Lasarus mehla, Sises ketin kapakap rehn meteikan wasao me paliweren Lasarus mi ie. (Sohn 11:41, 42) Sises pil kin ketin kapakap ni ahnsou me e kin ketin wia mihting kan rehn sapwellime tohnpadahk ko. Ke kin iang mihting kan wasa me kapakap kin wiawi ie?— Wasao aramas laud men kin kalapw kapakap. Rong kanahieng dahme e kin nda pwehki e kin wilianuhkdi oh kapakapohng Koht. Ma ke kin wia met, eri ke kak nda “Amen” ni imwin kapakapo. Ke ese ia wehwehn ahmw nda “Amen” ni imwin kapakap?— E wehwehki me ke pwungki kapakapo oh ke men kapakapo en wia ahmw kapakap.

[Kilel nan pali 68]

Dahme kahrehda ke anahne rong kanahieng kapakap kan me kin wiawi nan mihting kan?

Sises pil ketin kapakap ni ahnsoun mwenge. E kin ketin kapingkalahngankihong Siohwa eh konot. Ke kin kalapw kapakap mwohn ke mwenge?— E mwahu kitail en kasalehda atail kalahngan ong Siohwa mwohn atail mwenge. Mwein emen pahn kapakap ma kumwail mwengepene. Ahpw ia duwen ma ke kelehpw mwenge? De ia duwen ma ke mwenge rehn irail kan me sohte kin kasalehda arail kalahngan ong Siohwa?— Ke pahn anahne wia pein ahmw kapakap.

Ia duwe, ke anahne kapakap ni ngihl laud ahnsou koaros? Siohwa kak karonge ahmw kapakap ma ke wia ni ngihl tikitik?— Kitail kak ese pasapeng sang dahme wiawihong Nehmaia. E kin kaudokiong Siohwa oh kin doadoahk nan tehnpas en Nanmwarki en Persia, Ardaserksihs. Ehu rahno, Nehmaia uhdahn nsensuwedla pwehki e rong me kelen Serusalem, me iei kahnimw en eh aramas akan, saikinte onohnsapahlda.

[Kilel kan nan pali 69]

Iahd me ke kak kapakap ni ngihl tikitik duwehte Nehmaia?

Ni ahnsou me Nanmwarkio idek rehn Nehmaia dahme kahrehda e nsensuwed, Nehmaia mwadangete kapakap ni ngihl tikitik. Nehmaia eri padahkihong nanmwarkio dahme kahrehda e nsensuwed oh peki reh ma e kak kohla Serusalem oh onehda sapahl kehlo. Dahme wiawi?—

Koht ketin sapengla en Nehmaia eh kapakapo. Nanmwarkio nda me e kak kohla! Nanmwarkio pil kihong Nehmaia tuhke tohto pwehn doadoahngki oh kauwada kehlo. Eri, Koht kak ketin sapengla atail kapakap akan mehnda ma e wiawi ni ngihl tikitik.​—Nehmaia 1:2, 3; 2:4-8.

Nna medewe duwen met. Ke anahne itiekidi ni ahnsou me ke kapakap? De ke anahne kelepwikihdi? Ia ahmw madamadau?— Ekei pak Sises kin ketin kelepwikihdi ni eh kin ketin kapakap. Ekei pak e kin ketin kesihnenda. Oh ekei pak e kin ketin saradahng nanleng oh kapakap, duwehte ni ahnsou me e ketin kapakapki Lasarus.

Eri, dahme met kin kasalehda?— Met kasalehda me kaidehn mwomwen soandihn paliwaratail me kesempwal. Ekei pak e konehng en itiekidi oh meirpene. Mwein ekei pak ke men kelepwikihdi duwehte Sises ketin wia. Ahpw tamataman me kitail kak kapakapohng Koht ahnsou sohte lipilipil ma ni rahn de nipwong oh e pahn ketin karonge kitail. Me kesempwal iei me kitail en uhdahn kamehlele me Siohwa kin ketin karonge atail kapakap kan. Ke kin kamehlele me Siohwa kin ketin karonge ahmw kapakap kan?—

[Kilel nan pali 70]

Dahme kitail kak kapakapkihong Koht?

Dahme kitail kak nda nan atail kapakap kan ong Siohwa?— Ndaiong ie: Ni ahnsou me ke kin kapakap, dahme ke kin koasoiaiong Koht?— Siohwa kin ketikihong kitail soahng mwahu tohto. E sou konehng kitail en kalahngankihong ih soahng pwukat?— Kitail kak kalahngankihong ih kenetail mwenge. Ahpw mie pak me ke kin kalahngankihong ih lingan en pahnlahng, tuhke kaselel kan, oh wahnrohs lingan akan?— Ih me pil ketin wiahda soahng pwukat.

Ehu pak, sapwellimen Sises tohnpadahk ko peki reh en padahkihong irail duwen arail pahn kapakap. Eri Sounpadahk Lapalapo ketin padahkihong irail, oh kasalehong irail soahng kan me keieu kesempwal en kapakapki. Ke ese ia soahng pwukat?— Ale noumw Paipel oh pahkalahng nan Madiu irelaud 6. Iretikitik 9 lel 13 kin kasalehda duwen kapakap me aramas kin kahdaneki Kapakap en Samat de Kapakap en Kaun-o. Kita pahn wadekpene.

Wasaht Sises ketin kasalehda me kitail anahne kapakapki mwaren Koht. E mahsanih me kitail en kapakapki mwaren Koht en sarawihla. Ia mwaren Koht?— Ei, mware iei Siohwa oh kitail anahne kesempwalki mwareo.

Keriau, Sises ketin padahkihong kitail en kapakapki Wehin Koht en pweida. Wehi wet kesempwal pwehki ih me pahn wahdo popohl ong sampah oh wiahda sampah en paradaisla.

Kesiluh, Sounpadahk Lapalapo mahsanih kitail en kapakapki kupwuren Koht en wiawi nin sampah duwehte nanleng. Ma kitail kin kapakapki met, eri kitail anahne wia dahme Koht kupwurki kitail en wia.

Mwuri, Sises ketin padahkihong kitail en kapakapki mwenge me anahn ong kitail ehuehu rahn. E pil mahsanih me kitail anahne kasalehiong Koht me kitail nsensuwedkihla atail kin wiahda sapwung. Kitail pil anahne pek mahk rehn Koht. Ahpw mwohn Koht eh pahn ketin mahkohng kitail, kitail anahne mahkohng meteikan ma irail wiahda sapwung ong kitail. E mengei ong uhk en mahkohng meteikan?—

Ni kaimwiseklahn kapakapo, Sises mahsanih me kitail anahne kapakapki Siohwa Koht en ketin pere kitail sang me suwedo iei Sehdan me Tepil. Soahng pwukat koaros wia soahng mwahu kan me kitail kak kapakapkiong Koht.

Kitail anahne kamehlele me Siohwa kin ketin karonge atail kapakap akan. Patehng atail kin peki reh en ketin sewese kitail, kitail anahne en kin kasalehda kalahngan ong ih. E kin ketin perenki ma kitail kin mehlelki dahme kitail kin kapakapki oh ni atail kin peki reh soahng kan me konehng. E pahn ketikihong kitail soahng pwukat. Ia duwe, ke kamehlele met?—

Pil mie kaweid mwahu kan duwen kapakap nan Rom 12:12; 1 Piter 3:12; oh 1 Sohn 5:14.

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share