Kohdo oh Nsenamwahula!

1. Kitail kin momour nan sampah suwed ehu;

Me tohto sehse elen Koht.

Kitail anahne kaweidpen eletail

Pwe kitail en kak pweida mwahu.

Atail mihting kin kakehlaka kitail,

Kalaudehla atail pwoson.

E kangoange atail wiewia mwahu,

Kihong kitail kehl en dadaur.

Kitail sohte pahn soikala Eh kaweid;

Kitail men wia kupwure.

Atail mihting kin kasalehda ahl pwung,

Kamwahwih’la atail limpoak.

2. Siohwa mwahngih atail anahn akan;

Kitail en rong Eh kaweid kan.

En diarada ahnsou en tuhpene

Kasalehda atail pwoson.

Irail me lemmwiki Koht kaweid kitail

Mwomwen kasalehda pwoson.

Kitail ese me kitail sohte kelehpw

Pwehki utuht sang riatail.

Ni atail kasikasik ahnsou mwahu kan,

Kitail pahn kin tuhwong irail.

Kitail kin sukuhlki mwomwen atail mour

Sang erpit me kohsang powe.