KOUL 92
Wasa Ehu me Kin Kadehde Mwaromwi
(1 Kronikel 29:16)
1. Siohwa, ia ’wen laud en pwais wet,
Wiahda ihmw ong mwaromwi!
Met se patohwanwei ni peren
Pwehn kalaudehla omw’ ndand.
Soahng koaros me se patohwanwei,
Pwilisang rehmw’ nin tapio.
At doadoahk, at koahiek, at kepwe,
Se perenki patohwanwei.
(CHORUS)
Se pahn patohwanwei ihmw wet,
Mwaromw’ en sansal wasaht.
Komw’ kalahngan oh doadoahngki
Nin duwen sapwel’momwi.
2. Maing Samat, sen kawauwih komwi,
Oh kapinga komwi wasaht.
Lingan en laudla sang tohtohlahn
Me kin sukuhlki omw’ ahl kan.
Wasaht en wia wasahn kaudok,
Se pahn apwalih mwahu wasaht.
Oh en wiahte mehn kadehde,
Utung rohng me se kin lohki.
(CHORUS)
Se pahn patohwanwei ihmw wet,
Mwaromw’ en sansal wasaht.
Komw’ kalahngan oh doadoahngki
Nin duwen sapwel’momwi.
(Pil kilang 1 Nan. 8:18, 27; 1 Kron. 29:11-14; Wiewia 20:24.)