PWUREHNG KOASOIPENE
IREN MEHN KASUKUHL 9
Nsenohki Pepehm en Meteikan
Ire Mehlel: “Pereperen rehn irail kan me kin pereperen; sengiseng rehn irail kan me kin sengiseng.”—Rom 12:15.
Dahme Sises Ketin Wia
1. Kilang KISIN KASDO, de wadek Mark 6:30-34. Mwuri koasoiapene peidek pwukat:
Dahme kahrehda Sises oh sapwellime wahnpoaron ko men “kelehpwla”?
Dahme kamwakid Sises en ketin wia sapwellime padahk ong pokono?
Dahme Kitail Sukuhlkihsang Sises?
2. Kitail en nsenohki pepehm en aramas, a kaidehn medemedewehte dahme kitail men koasoia.
Kahlemengih Sises
3. Rong kanahieng. Mweidohng aramaso en kasalehda eh madamadau. Dehr sopuk de pohnsehsehla eh pepehm kan, dahme e kin nsenohki de dahme e sapwungki. Ni omw kin rong kanahieng, ke kin kasalehiong ih me ke nsenohki eh madamadau.
4. Medemedewe duwen aramaso me men rong. Medewe dahme kumwa koasoiapene oh pein idek rehmw:
‘Dahme kahrehda e anahne rong duwen padahk mehlel?’
‘Ia duwen onopki Paipel eh pahn kak kamwahwihala eh mour ehuehu rahn oh ahnsou kohkohdo?’
5. Ehukihong ire kan me pahn sewese ih. Mwadangete kasalehiong ia duwen onop Paipel eh kak sapengala eh peidek kan oh sewese ih.