Koasoi Mehlel

Dahme Sises Ketin Wia

KISIN KASDO: Jesus Counsels a Rich Young Ruler

1. Kilang KISIN KASDO, de wadek Mark 10:​17-22. Mwuri koasoiapene peidek pwukat:

1. Irair mwahu dah kan me Sises ele ketin kilang rehn kaun pwulopwulo?

2. Dahme kahrehda Sises ketin anahne limpoak oh mahsen mehlel pwehn kaweid ohlo?

Dahme Kitail Sukuhlkihsang Sises?

2. Kitail anahne koasoi ni limpoak ahpw pil koasoi inen pwehn kak sewese neitail tohnsukuhlo en pousehlahte karanihala Siohwa.

Kahlemengih Sises

3. Sewese noumw tohnsukuhlo en wiahda oh pil lel eh mehn akadei kan.

1. Doadoahngki kisin koakono “Dahme ke kak wia” nan ehuehu iren mehn kasukuhl en Pereperenki Mour Kohkohlahte!

2. Sewese noumw tohnsukuhlo en wehwehki dahme e anahne wia pwehn lel mehn akadei kan me e kak kapwaiada ni ahnsou mwotomwot, oh mehn akadei kan me pahn anahne ahnsou reirei.

3. Kaukaule kapingahki noumw tohnsukuhlo eh kin kekeirda.

4. Tehkada dahme kin kapweiekdihsang noumw tohnsukuhlo en kekeirda, oh sewese ih en powehdi soahng pwukat.

1. Pein idek rehmw:

   • ‘Ma nei tohnsukuhlo sohte kin kekeirda pwehn papidaisla, dahme kin kerempwa ih?’

   • ‘Dahme I kak wia pwehn sewese ih?’

2. Kapakapki eimah pwe ken kak koasoiaiong ih ni inen oh limpoak dahme e anahne wia.

5. Uhdihsang onopki Paipel rehn emen me sohte kin kekeirda.

1. Tehk mwahu ma amwa onop en Paipelo kin pweida mwahu sang ni omw pein idek rehmw:

   • ‘Nei tohnsukuhlo kin kapwaiada dahme e kin sukuhlki?’

   • ‘E kin iang towehda mihting kan oh ehukihong meteikan duwen padahk mehlel?’

   • ‘Ma e kin onopki Paipel erein ahnsou werei, e men wiahla emen Sounkadehdehn Siohwa?’

2. Ma tohnsukuhl en Paipel men sohte men kekeirda:

   • Idek reh en medewe dahme kin kauhdihsang ih en kekeirda.

   • Ni kadek, kawehwehiong ih dahme kahrehda ke pahn sohla onop reh.

   • Padahkihong ih dahme e pahn anahne wia ma e men pwurehng onop.