Mehn Kair ong me Towehda Kapokon

ME KIN SEWESE MIHTING Mie irail kan me kin sewese tohn mihting. Menlau idawehn arail kaweid me pid peidi en sidohsa, wasahn alu, kilelehdi dewen emen oh pil soahng teikan.

PAPIDAIS Sehr kan me koasoandi ong irail me pahn papidais pahn mi mwohn wasahn padahk ihte ma mie ehu koasoandi tohrohr. Irail kan me pahn papidais anahne mwohndi wasa pwukat mwohn padahk en papidais eh pahn tepida nimenseng en Rahn Kaunop. Emenemen anahne wahda daul oh likou me konehng.

SAWAS EN MWOHNI Mwohni laud kin kadoadoahk ong kaunopadahn sehr kan, mehn pakair kan oh sawas tohto teikan pwehn kansenamwahu ong me pahn towehda oh sewese kitail en karanihala Siohwa. Omw sawas kin sewese pwainla soahng pwukat oh pil utung doadoahk en sampah pwon. Mie koakon en sawas kan me kilel mi ie nan wasahn kapokon pwehn mengei ong uhk ken diar. Ke pil kak kihda sawas en mwohni online sang ni omw kohla nan donate.jw.org. Se uhdahn kalahnganki sawas en mwohni koaros. Governing Body kin kalahnganki omw sawas oh utuht ong doadoahk en Wehio.

SAWAS EN WINI Menlau tamataman me met ongete mehkot karuwaru.

WASAHN SOAHNG KAN ME SALONGALA OH DIEREK Ma ke diarada mehkot me ke sehse ahn ihs, menlau wahla ni Palien Wasahn Soahng kan me Salongala. Ma mie omw mehkot me salongala, kohla pali wet oh kilang. Ma ke diar seri kan me salongasang ar pahpa oh nohno, menlau wahla irail wasaht. Ahpw, pwehn dehr kapwunode meteikan, menlau apwalih noumw seri kan oh ren mihmihte rehmw.

WASAHN MWOHNDI Menlau medewe meteikan. Tamataman, ke kak kolokol sehr kan ongete tohn omw peneinei, irail kan me iang weromw sidohsa, irail me kin kousoan rehmw, de noumw tohnsukuhl en Paipel kan. Menlau dehr kihdi kepwe pohn sehr me ke sohte kolokol.

IANG SAWAS Ma ke men iang sawas en doadoahk me pid koasoandi en kapokon, menlau padahkihong Palien Kihda Ire kan oh Sawas.

Koasoandi sang Governing Body en Sounkadehdehn Siohwa kan