Paraparlahn Fundamentalism

FUNDAMENTALISM​—sounpar kei samwalahro, mwekid wet me sansalda ni lokaiahn, kin wiahte pwihn tikitik ehu nan pelien lamalam en Prohs. Ahpw ia uwen met ah wekila! Bruce B. Lawrence, emen me semenih pelien lamalam, intingihdi sounpar 30 samwalahro, me malaulau pahn kohpada me ni imwin senturi 20, mwekid en fundamentalisma pahn wiahla oarelap kesemwpwal oh indand ehu ong pelien rohng kan oh mehkot me sukuhl laud kan pahn sukuhlki.

Ahpw ih met me wiawi. Nuhspehpa kan kin repohtki duwen mworomwor suwed kan, kamaramas, mwekid kan me kin uhwong kemehla seri nan kapehden ine, pwihn en lamalam kan me kin kamwekidada pelien politic, oh isihslahn pwuhk kan me re kin inda me mwalahun, mepwukat kin kalap wia mwekid en soangen lamalam wet. Ehu nuhs en pelien mwohni en Itali me adaneki Mondo Economic kosoia me wasa koaros mwekid wet fundamentalism kin wia “pepeiki eden Koht.”

Aramas kin kilangwong irail kan me wia fundamentalist me re nohn daulihla oh mwomwen sahlielkihla arail pwung kan, ni arail kin wiahda pilahn mwersuwed kan oh uhwong koasoandi kan. Aramas kan kin perkihda soangen kekeirdahn soangen pwihn wet duwehte Comunione e Liberazione nan Roman Kadolik, Gush Emunim nan pelien lamalam em Judaism, oh Christian Coalition nan Prohs en North America. Dahme karehda fundamentalism paraparkihla? Dahme kin kamwekid? Ele mwein met iei “akdupuk en Koht,” duwen emen mehn French Gilles Kepel kosoia?

[Nting tikitik me mi pah]

[Credit Line]

Nina Berman/Sipa Press