Dahme Paipel Mahsanih?

Dahkot Armakedon?

Ekei aramas kin kamehlele . . .

me pakudang kehlail ehu me pahn kauwehla sampah pwon. Ia omw madamadau?

Dahme Paipel mahsanih

Armakedon iei kilelepen wasa me “mahwen me pahn wiawi ni Rahn Lapalap en Koht, Wasa Lapalahpie” ong me suwed kan.​—Kaudiahl 16:14, 16.

Dahme kitail pil kak sukuhlkihsang Paipel?

• Koht me pahn ketin mahwen nan Armakedon, e sohte pahn ketin wia met pwehn kauwehla sampah, ahpw e pahn ketikihsang aramas akan me kin kauwehla sampah.​—Kaudiahl 11:18.

• Mahwen en Armakedon pahn kaimwisekala mahwen koaros.​—Melkahka 46:8, 9.

Mie me uhdahn kak pitsang mahwen en Armakedon?

Dahme ke pahn nda?

• Ei

• Soh

• Mwein

Dahme Paipel mahsanih

‘Pokon kalaimwun’ en aramas ehu sang wehi koaros pahn pitsang kahn kamakam kowahlap, me pahn imwisekla ni mahwen en Armakedon.​—Kaudiahl 7:9, 14.

Dahme kitail pil kak sukuhlkihsang Paipel?

• Koht kupwurki aramas tohto en pitsang Armakedon. E pahn ketin kasohrehla me suwed kan ihte ma re sohte pahn wekila.​—Esekiel 18:32.

• Paipel kawehwehda ia duwen atail pahn pitsang Armakedon.​—Sepanaia 2:3.