Kohpwahn Peidek

◼ Mehnia pwuhk kan pahn mihmi nan Theocratic Ministry School library?

Diren pwuhk ngehnin kan me wiawihda ong kamwahupen sapwellimen Koht aramas. Pwehki sounkalohk tohto sohte kin naineki pwuhk kan koaros, ihme kahrehda Theocratic Ministry School library ni Kingdom Hall kak kihda sawas ong irail me men wia roporop nan pwuhk kan me irail sohte kak diarada wasakis oh pil sohte kak pein oahtehdo. Ihme kahrehda, library pahn audaudki kawehwe kan en Paipel tohto, pwuhk kapw kan sang Society, copy kan en Atail Doadoahk Ong Wehio, bound volumes kan en The Watchtower oh Awake!, oh pil Watchtower Publications Indexes. Oh pil, e pahn mwahu ma dictionary mwahu me lepin lokaia kan me aramas kin doadoahngki nan rahn pwukat pil mihmi nan library. Ma kak, encyclopedia kan, atlas kan, oh pwuhk en grammer (iaduwen aramas pahn kihpene arail lokaia) oh pwuhk en poadoapoad en aramas pahn pil mwahu en mihmi nan library. Ahpw, pwuhk kan me “ladu lelepek oh loalokong” wiahda me keieu kesempwal en mihmi nan library.​—⁠Madiu 24:⁠45.

Ekei pak, ekei kin nda me ekei pwuhk kan me sohte konehng mihmi nan library. Eri, e sohte pahn konehng ma pwuhk kan me sohte kin mehlel (fictional books, novels), de pwuhk en sampah, pil iangahki pwuhk kan me kin koasoi duwen Paipel me kin pid lamalam en aramas, de pwuhk kan me pid lamalam en aramas de wunani. Theocratic Ministry School library pahn audaudki ihte pwuhk kan me pahn sewese tohnmwomwohdiso en kekeirada ni pali ngehn.​—⁠1 Timoty 4:⁠15.

Eldero me kin apwalih Theocratic Ministry School (school overseer) pwukoahki library, ahpw e kak pekihda pil emen brother en sewese ih apwalih library. E pahn anahne tehk me pwuhk kapw koaros me Society ahpwtehn wiahda mihmi nan library. Eden mwomwohdiso me naineki pwuhk kan pahn kilelehdi (on the inside cover) nan pwuhk kan koaros. Pak ehu nan sounpahr ehu, e mwahu en tehk ma anahne wiliandi pwuhk kan pwehki ohla de ma emen anahne kamwahuiala pwuhk kan (repair).

Koaros kak sawaspene apwalih library. Koaros pahn kanaieng ni arail pahn doadoahngki pwuhk kan. Pahpa oh nohno kan pahn tehk me neirail seri kan sohte pahn mwadongki de kauwehla pwuhk kan (ntingihda de lainih loale). E pahn mwahu ma mie kilel ni library me pahn katamankin koaros me sohte me kak wahsang pwuhk kan me mihmi nan library.

Pwehki mwomwohdiso kapw kan tohtohla, ekei library kan sohte audaudki pwuhk koaros. Ekei sounkalohk kan me kolokol pwuhk mering kan kak medemedewe kisekisehki mwomwohdiso neirail pwuhk kan. Elder kan kak oaht bound volume en Watchtower en mahs ko. Ni ahl pwukat, Theocratic Ministry School library pahn wia sawas laud ong koaros en rapahki takai kesempwal me rir nan Mahsen en Koht, me pahn kihda loalokong, erpit oh dehdehki.​—⁠Lepin Padahk 2:​4-6.