Dahme Kitail Kak Koasoia Duwen Makisihn kan
The Watchtower Sept. 15
“Aramas rar rar kei kin kamehlele me ‘aramas sarawi kan’ kin ahneki manaman tohrohr oh e kin mwahu en kapakap ni atail doadoahngki irail. Dahme ke lemeleme? [Mweidohng en sapeng.] Menlau tehk dahme Sises Krais mahsanih. [Wadek Sohn 14:6.] Met kin kahrehong ekei aramas en medemedewe ma e pwung en doadoahngki ‘aramas sarawi kan’ ahnsoun kapakap. Watchtower wet pahn koasoia duwen ire wet pwe e inenen kesempwal.”
Awake! Sept. 22
“Aramas tohto rahnwet kin pwunodki duwen “terrorism” iangahki “biological weapons.” Dahme ke lemeleme—kaundahn aramas kak kasorasang sampah “terrorism”? [Mweidohng en sapeng.] Paipel kin kasalehda dahme Koht pahn ketin wia. [Wadek Esekiel 34:28.] Awake! wet kin koasoiada duwen ire kan me pid duwen met.”
The Watchtower Oct. 1
“Aramas tohto kin medemedewe ma mie ahnsou me pahn kohdo me kitail solahr pahn kilang soangen kahpwal kan duwehte mahwen, mwersuwed oh tiahk suwed kan me kin kamasak aramas teikan. Dahme ke lemeleme? [Mweidohng en sapeng.] Paipel kin audaudki soangen rohng me kin kak kamweitihala aramas akan duwen met. [Wadek Melkahka 37:10, 11.] Makisihn wet kin kawehwehda dahme kahrehda Koht saikinte kasorala soahng suwed pwukat oh dahme kahrehda aramas akan kin lokolok te pwehki kahpwal pwukat.”
Awake! Oct. 8
“Rahnwet, likamwete peneinei kan me pahpa te de nohno te me kin apwalih neirail seri kan—soangen peneinei pwukat wia tohtohla. Paipel kin kasalehda me Sounkapikpatail kin sapwellimaniki limpoak ong irail. [Wadek Melkahka 146:9.] Awake! wet kin kasalehda iaduwen kaweid sang Paipel kak sewese pahpa oh nohno kan en kakairada neirail seri kan ni ahl me kin pweida mwahu.”