Dahme Kitail Kak Koasoia Duwen Makisihn kan

Kahn Iroir February 2003

“Aramas tohto kin lemeleme me lamalam en kihlenwo oh pil tiahk me pid duwen kihlenwo kin wia mehn kaperente oh sohte keper ong kitail. [Kasalehda kilel ni kilin makisihno oh koasoia karasepe ehu.] Mie pak me ke medemedewe duwen lamalam en kihlenuwo kohsang iawasa? [Mwurin tohnihmw sapeng, wadek 2 Korint 11:14.] Makisihn wet kin kawehwehda dahme Paipel kin mahsanihki duwen ire wet, oh sapwellimen Koht madamadau me pid duwen kihlenwo. Ni e sansalda ni pali 2 en makisihn wet, aramas kak kihda arail sawas ma re nseneki oh sawas en mwohni pwukat kin sewese aht doadoahk en kalohk nan sampah pwon. Ma ke men kihda ahmw kisin sawas rahnwet, I pahn perenki ale.”

The Watchtower Feb. 15

“Ekei aramas kin pwonopwonki ma mie Koht oh ma e kin nsenohki aramas. Pil ekei aramas akan nda me mie Koht ahpw e kin dohsang irail. Ke kin wehwehki duwen met? [Mweidohng en sapeng.] Menlau tehk nan iren Paipel wet dahme kahrehda e kesempwal kitail en esehla Koht. [Wadek Sohn 17:3.] Ke pahn perenki wadek artikel kan nan makisihn wet.”

Awake! Feb. 22

“Dahme ke lemeleme duwen kupwuren Koht ong aramas, iangahki seri kan, me kin lokolongki duhpek? [Mweidohng en sapeng.] Tehk duwen inou kansenamwahu me Koht kupwurki en kileledi nan Paipel. [Wadek Melkahka 72:16.] Awake! makisihn wet kin kasalehda kahrepen duhpek kin wiawi rahnwet, oh pil, kesempwal sang met, sapwellimen Koht inou me kasalehda me duhpek solahr pahn wiawi ni ahnsou keren.”