Dahme Kitail Kak Koasoia Duwen Makasihn kan

The Watchtower Mar. 15

“Aramas akan kin kalapw koasoia duwen ketido en Sises Krais. Komw medemedewe me met iei ahnsou ehu kitail en kasikasik de en masak? [Mweidohng tohnihmw en sapeng.] Tehk ia pepehm en soun nting en Paipel Sohn me pid duwen met. [Wadek Kaudiahl 22:20.] Makasihn wet kawehwehda dahme pahn pweida ni ahnsou me Krais pahn ketido.”

Awake! March

“Sang nan ahmw kin pein medewe, soangen apwal dah kan me pwulopwul kan en rahn pwukat kin lelohng? [Mweidohng tohnihmw en sapeng.] Ire wet kasalehda ehu apwal—en kin ahneki soangen kompoakparail mwahu kan. [Wadek Lepin Padahk 13:20.] Makasihn wet kin kasalehda keper akan sang doadoahngki Internet pwehn rapahki kompoakparail kan oh iaduwen me pwulopwul akan kak en perehsang irail kahpwal wet.”

KAHN IROIR March 2007

“Nan rahnpwukat mie wekpeseng en madamadau tohto me pid kekeirada seri men. Ke lemeleme me pahpa oh nohno kan kak diarada kaweid likilik? [Mweidohng tohnihmw en sapeng. Mwuri wadek Melkahka 32:8.] Makasihn wet kasalehda kaweid pwung kan sang nan Paipel ong kekeirada seri men. Ni pali 2 en makasihn wet, e koasoia me aht doadoahk kin alehdi sawas sang irail kan me men toukihda pein arail sawas. Ma komw kupwurki touki sawas tikitik pwehn iang sewese doadoahk wet, se pahn perenki ale.”