Dahme Kitail Kak Koasoia Duwen Makasihn kan
The Watchtower® Dec. 15
“Ni ahnsou holiday, tohto me kin nantihong en kasalehda kadek oh limpoak. Ke lemeleme sampah kak wia wasa mwahu ehu ma aramas kan kasalehda limpoak ahnsou koaros? [Mweidohng en sapeng. Wadek 1 Piter 3:8.] Makasihn wet kawehwehda kesempwalpen limpoak oh soangen ahl akan me kitail kak kasalehda limpoak.”
Awake! December
“Ekei kin lemeleme mie ehu mour mwurin mehla, ah ekei kin kamehlele me ma kitail mehla eri sohte koapworopwor mwurin mwo. Ke kin iang kamehlele me kitail anahne masak mehla? [Mweidohng en sapeng.] Tehk iaduwen Sohp kin kilangwohng irair en mehla. [Wadek Sohp 14:14, 15.] Makasihn wet kawehwehda mwahu dahme kin wiawi ahnsou me emen kin mehla.”
Kahn Iroir December 2007
“Ehu me keieu kesempwal nan atail mour iei limpoak. Ke lemeleme e kesempwal en kaiahnehda neitail seri kan ni limpoak? [Mweidohng en sapeng. Wadek 1 Korint 16:14.] E kin apwal ke en diar limpoak nan peneinei rahnwet. Makasihn wet kasalehda dahkot limpoak mehlel oh iaduwen pahpa oh nohno kan kak kasalehda soangen limpoak wet ni ahnsou me irail kin kaiahnehda neirail seri kan. Se kin toukihda pein at ahnsou ong doadoahk wet me wiawi nan sampah pwon oh kin kak pweida pwehki sawas kan me aramas akan kin pein toukihda. Ma ke men kihda ahmw sawas, I pahn perenki ale.”