Dahme Kitail Kak Koasoia Duwen Makasihn kan
January 2008
“Ke lemeleme ma aramas kan kasalehda irair en aktikitik, sampah pahn wiahla wasa kansenamwahu en kousoan ie ehu? [Mweidohng en sapeng.] Tehk dahme Sises mahsanih duwen irair wet. [Wadek Madiu 23:12.] Artikel wet koasoia duwen kesempwalpen kakairada aktikitik, mendahki tiahk en siaipene kin rek nin sampah. Se kin kihla nait pwuhk kan ni sohte isepe, ahpw se pahn perenki ale amwail kisin sawas en mwohni ong doadoahk en kalohk me kin wiawi sampah pwon.”
The Watchtower® Feb. 1
“Pwehki soangen kahpwal kan me kitail kin lelohng nan rahn pwukat, ke lemeleme kitail kak ahneki meleilei mehlel nan loalatail mendahki kahpwal kan me kitail ahneki? [Mweidohng en sapeng.] Aramas tohto kin ale sawas sang ni arail kin medemedewe duwen koapworopwor me kitail ahneki ong ahnsou kohkohdo. [Wadek ehu iren Paipel me kileldi nan artikel me ke pahn doadoahngki.] Makasihn wet kasalehda dahme Paipel mahsanih duwen wasa me kitail kohsang ie, kahrepen atail mour, oh dahme pahn wiawihong kitail.”
Awake! Feb.
“Pwehki wiewiahn mwersuwed kin tohtohla wasa koaros nin sampah, aramas tohto kin ahneki pepehm en perki. Iaduwen, ke lemeleme irair wet kak mwahula? [Mweidohng en sapeng.] Menlau kilang dahme Paipel kohpada. [Wadek Melkahka 37:10.] Makasihn wet kasalehda duwen kahrepen wiewiahn mwersuwed kin wiawi oh dahme Paipel mahsanih me pid iaduwen kahpwal wet pahn mwahula.”