Dahme Kitail Kak Koasoia Duwen Makasihn kan

Kahn Iroir March 2009

“Ke lemeleme Koht kupwurki pelian lamalam koaros? [Rong dahme tohnihmw pahn sapengki.] Menlau tehk dahme Sises mahsanih duwen ire wet. [Wadek Madiu 15:8, 9.] Makasihn wet pahn kasalehda ma Koht kupwurki soangsoangen kaudok koaros.” Kasalehda pali 9.

Awake! March

“Kitail koaros men ahneki kompoakepah mwahu kan. Dahme ke kesempwalki rehn kompoakepahmw men? [Rong dahme tohnihmw pahn sapengki.] Menlau tehk dahme Paipel mahsanih duwen ire wet. [Wadek Lepin Padahk 17:17.] Makasihn wet kin kihda kaweid kan me kak sewese iuk en pilada kompoakepah mwahu kan oh pil ia duwen ke kak wiahla kompoakepah mwahu men ong meteikan.” Kasalehda pali 18.

Kahn Iroir April 2009

“Ke lemeleme me soahng koaros me kin wiawi nan omw mour kin koasoandier mwohn ke ipwidi? [Rong dahme tohnihmw pahn sapengki.] Menlau tehk dahme Paipel mahsanih duwen met. [Wadek Eklesiasdes 9:11.] Makasihn wet kasalehda me mendahki Koht ketin koasoanehdi dahme pahn wiawi ong sampah, e kin ketin mweidohng emenemen kitail en pein pilada dahme kitail pahn wia nan atail mour.”

Awake! April

“Serihn sukuhl tohto kin ahneki kapwunod kan. Ke kin medewe me arail kahpwal kan weksang kahpwal kan me ke lelohng mahs? [Rong dahme tohnihmw pahn sapengki.] Kapwunod kan kak kalaudehla kahpwal kan. [Wadek Eklesiasdes 7:7a.] Makasihn wet pahn kasalehda ia duwen me laud kan kak sewese me pwulopwul kan en apwalihala arail kapwunod kan.”