Koakon En Peidek

◼ E konehng mwomwohdiso kan de emenemen tohnmwomwohdiso kan en doadoahngki kilelepen (logo) eden pwihn kan me Sounkadehdehn Siohwa kan kin doadoahngki?

Pwihn ehu kin kalapw doadoahngki eh kilel (logo) pwehn sewese aramas akan en ese duwen pwihno. Karasepe, kilel en “Watch Tower” kin wiliandi the Watch Tower Bible and Tract Society of Pennsylvania. Pwihn en the Christian Congregation of Jehovah’s Witnesses kin doadoahngki kisin kilel en Paipel ehu me papahkpeseng pohn neirail doaropwe en kisinlikou kan. Pwihn teikan me Sounkadehdehn Siohwa kan kin doadoahngki pil kin doadoahngki ekei kilel kan (logo) me wekpeseng.

Mwomwohdiso kan de emenemen tohnmwomwohdiso kan en dehr doadoahngki kilel pwukat (logo) de eden pwihn pwukat. Oh e sohte konehng en doadoahngki kilel pwukat ong arail kilel (sign) en Wasahn Kaudok kan de kisinlikou kan me mwomwohdiso kin doadoahngki. E pil sohte konehng en doadoahngki kilel pwukat ong en emenemen dipwisou kan duwehte kidipen neirail pwuhk kan, mehn kapwat kan de soahng teikan. Met kak kahrehda sawehwe. Aramas me alehdi kisinlikou kan pahn lemeleme me kisinlikou pwukat kohsang poahsoan kaun en Sounkadehdehn Siohwa kan de ohpis en Sounkadehdehn Siohwa kan.

Kilelepen “Watch Tower” de mehkot me duwehte met en dehr kadoadoahk ong kilel en Wasahn Kaudok me pahn kokouda mendahki ohpis en Watch Tower me pahn imwaneki. Wasahn Kaudok kan me kin doadoahngkier kilel pwukat sohte anahne mwadang kihsang ma met pahn wia doadoahk laud de pweilaud. Met kak wiawi ni ahnsoun onehda sapahl arail Wasahn Kaudok. Ahpw ma met sohte pahn wia doadoahk laud de pweilaud, eri mwomwohdiso anahne medewe en wekidala kilel pwukat.