Dahme Kitail Kak Koasoia Duwen Makasihn kan
Kahn Iroir April 2009
“Ke kamehlele me dahme kin wiawi nan omw mour koasoandier mwohn e kin wiawi? [Rong dahme tohnihmw pahn sapengki.] Tehk dahme Paipel mahsanih duwen met. [Wadek Eklesiasdes 9:11.] Makasihn wet kin kawehwehda me mendahki Koht ketin koasoanehdier dahme pahn wiawihong sampah ni ahnsou kohkohdo, ahpw e kin ketin mweidohng emenemen kitail en pilada ia duwen kitail pahn mourki atail mour.”
Awake! April
“Pwopwoud tohto kin mweipeseng pwehki salelepek. Ke lemeleme me iren Paipel wet kak sewese pwopwoud kan en dadaur? [Wadek Madiu 5:28 oh rong dahme tohnihmw pahn sapengki.] Makasihn wet kin doadoahngki iren Paipel kan me pahn sewese pwopwoud kan en loalopwoatpene.” Kasalehda pali 28.
Kahn Iroir May 2009
“Ke kamehlele me aramas koaros anahne en ipwsapahl? [Rong dahme tohnihmw pahn sapengki.] Tehk dahme Sises mahsanih duwen ire wet. [Wadek Sohn 3:3.] Makasihn wet kin kawehwehda ia wehwehn ipwsapahl oh ia duwen irail kan me ipwsapahl pahn wia kamwahu ong tohnsampah.”
Awake! May
“Aramas tohto rahnwet kin doadoahngki wini kan ni ahl sapwung. Ia omw madamadau, dahme kahrehda met kin wiawi? [Rong dahme tohnihmw pahn sapengki.] Iren Paipel wet kin kasalehda ehu kahrepen met kin wiawi, ahpw keieu ong seri kan. [Wadek Lepin Padahk 13:20.] Makasihn wet kin koasoia ia duwen ke kak perehla kowe oh omw peneinei sang kahpwal wet.”