Dahme Kitail Kak Koasoia Duwen Kahn Iroir
Kahn Iroir December 2010
“Kitail koaros kin men ahneki mour nsenamwahu kaidehn? Ke leme mwohni me kitail anahne pwehn nsenamwahu? [Rong pasapeng.] Emen me iang ntingihedi Paipel esehla ia duwen eh kak nsenamwahu ni ahnsou me dahme e ahneki tikitik sang dahme e anahne. [Wadek Pilipai 4:11, 12.] Pwuhk wet kihong kitail ewen kahk limau ong nsenamwahu me dierek nan Paipel.”
Kahn Iroir December 2010
“Ke lemeleme e kin apwallahng pahpa oh nohno kan en padahkihong neirail seri kan duwen tiahk mwahu? [Rong pasapeng.] Mahsen en Koht kin kawehwehda dahme kahrehda e pahn apwal. [Wadek 2 Timoty 3:1, 3.] Ehu ire me pahpa oh nohno tohto kin apwalki koasoiaiong neirail seri kan iei me pid wia nsenen pwopwoud. Ire wet nan pali 18 kin kihda sawas mwahu ong pahpa oh nohno kan.”
Kahn Iroir January 2011
“Aramas tohto kin kamehlele me mie ngehn akan me kin kamwakid atail mour. Dahme omw madamadau? [Rong pasapeng. Eri wadek Kaudiahl 12:7-9.] Pwuhk wet kin kasalehda duwen dahme Paipel mahsanih duwen ngehn akan oh ia duwen arail kin pid atail mour oh ma kitail kak koasoiong irail.”
Kahn Iroir January 2011
“Ehu mehkot me kansensuwed me kin kak wiawi nan peneinei ehu iei ni emen eh kin kemehla pein ih. Dahme ke medemedewe me pahn kak sewese emen pwehn dehr kemehla pein ih? [Rong pasapeng.] Paipel kin padahkihong kitail mehkot me pahn kak sawas. [Wadek Rom 15:4.] Iren nan pali 14 kasalehda ia duwen sawas sang nan Paipel eh doarehla ohl emen sang eh pahn kemehla pein ih.”