Kisin Wiepen Padahk kan

Pwehn Tapihada Onop en Paipel kan ni Tepin Rahn Kaunop en May

“Aramas tohto kin medewe me padahk kan en pelien lamalam koaros kin pwung mwohn silangin Koht. Ia omw madamadau? E kesempwal dahme kitail kin kamehlele? [Rong pasapeng.] Kilang dahme Paipel mahsanih duwen met.” [Wadek Sohn 8:32.] Kihong tohnihmwo Kahn Iroir en April 2012 oh koasoia, “Kisin pwuhk wet kin kasalehda dahme kahrehda e kesempwal en esehla dahme mehlel. [Wadek parakrap mwurin Sohn 8:32 nan pali 7.] Paipel kihda kahrepe siluh me dahme kitail kamehlele kin kesempwal.” Wadek oh koasoiapene parakrap en mwurio oh koasoanehdi ken pwurala pwe kumwa en pousehla koasoiapene ireo.

Kahn Iroir April 2012

“Mie soangen madamadau tohto me aramas kin ahneki duwen Sises. Ekei kin medewe me ih iei Mesaia me inoupe mie. Meteikan kin leme me e ketin wiahte ohl mwahu men. Ahpw ekei sohte kamehlele me e uhdahn ketin mie. Ia omw madamadau? [Rong pasapeng.] Paipel mahsanih me e kesempwal en esehla duwen Sises. [Wadek Sohn 17:3.] Kisin pwuhk wet kin kasalehda dahme Paipel kin sapengki ekei peidek kan me aramas kalapw idek duwen Sises.”

Pwehn Tapihada Onop en Paipel kan ni Omw Pahn Doadoahngki Doaropwehn Ke Sou Men Esehla Duwen Padahk Mehlel?

Kihong tohnihmwo ehu doaropwehn Ke Sou Men Esehla Duwen Padahk Mehlel? oh kasalehiong ih peidek kan me mi mwowe. Kowe eri koasoia: “Iet ekei peidek mwahu kan me Paipel kin sapengala. Mie pak me ke pein idek soangen peidek pwukat?” Mwurin omw rong ahn tohnihmwo pasapeng, koasoiapene pasapengpen ehu eh peideko oh wadek ehu iren Paipel me kileldi. Koasoanehdi ken pwurala pwehn koasoiapene pil ehu peidek nan doaropweo.