Kisin Wiepen Padahk kan

Pwehn Tapihada Onop en Paipel kan ni Tepin Rahn Kaunop en October

“Kaselehlie. Se pwarodo pwehn kasalehda ire ehu me kitail kak likih me kak sewese irail me pwopwoud kan ren pweida nan mour en pwopwoud. Ia omwi madamadau, dahme kin keieu kahpwalihala mour en pwopwoud mwahu ehu?” [Mweidohng tohnihmw en sapeng.] Kasalehiong tihnsewen Kahn Iroir en September 1, oh kumwa tehkpene ire me mi pahn keieun peidek oh ehu iren Paipel me kileldi. Kihong Kahn Iroiro oh koasoanehdi ken pwurehng pwurala pwehn koasoia keriaun peidek.

Kahn Iroir September 1

“Se leledo rehmwi pwehki aramas tohto nan atail wasahn kousoan kin medewe ma dahme kahrehda Koht ketin mweidohngki lokolok laud. Mie pak ke kin medewe duwen met? [Mweidohng tohnihmw en sapeng.] Paipel inoukihdi me pahn mie ahnsou ehu me mwahiei oh medek pahn sohrala. [Wadek Kaudiahl 21:4.] Kisin pwuhk kiset kin kasalehda ire kesempwal limau ong kahrepen lokolok laud. E pil kasalehda dahme Paipel mahsanihki duwen Koht eh pahn ketin kauhdi lokolok.”