Ke Kin Doadoahngki JW Library?

JW Library iei ehu app (software application) me sohte isepe me pahn mweidohng uhk en download Paipel oh sawasepen Paipel teikan, kisin kasdo kan, oh ngilen prokram kan nan noumw cell phone, tablet, de computer.

IA DUWEN OMW PAHN ALEHDI: Kohla online oh kihong JW Library sang nan app store. App wet mie ong soangsoangen tablet kan. Erein omw online, padikada appo oh pilada mehnia me ke men download nan noumw tablet. Ma sohte internet imwomwo, ele ke kak wia met ni library ong wehipokon, de wasa teikan me mie internet. Ni omw download sawasepen Paipel kan nan noumw tableto, ke sohte anahne internet pwehn wadek mepwukat. Pwehki mie soahng kapw akan kin kapatapatohng JW Library, ke anahne doadoahngki internet ekei ahnsou pwehn update app ma miehier.

DAHME KAHREHDA KEN ALEHDI? JW Library kin kahrehda en mengei en wia pein omw onop oh idawehn koasoandi kan nan mihting en mwomwohdiso. E pil kak kadoadoahk nan kalohk, ahpw mehlel ni ahnsoun kalohk sohte lipilipil.