Kisin Wiepen Padahk kan

KAHN IROIR

Peidek:Ia duwe, ke sou pwungki me ma Paipel pwilsang rehn Koht, e kak mihmihte mendahki sohte lipilipil dahme irail me uhwong kan pahn wia pwehn kasohrehla?

Iren Paipel: Ais 40:8

Mwomwen Kasalehda Pwuhken Kihla: Oaralap pwukat kin koasoia duwen ire kaselel kan me pid duwen Paipel eh mihmihte lao lel met.

KAHN IROIR (mwurin pwuhko)

Peidek: I pahn perenki rong omw madamadau duwen peidek wet. [Wadek keieun peidek me mi ni pali 16.] Ekei kin kamehlele me pelien lamalam iei koasoandi en aramas ehu me re pein wiahda. Meteikan kin medewe me Koht kin ketin doadoahngki pelien lamalam pwe kitail en karanihala ih. Ia omw madamadau?

Iren Paipel: Seims 1:27

Mwomwen Kasalehda Pwuhken Kihla: Oaralap wet pil kawehwehda dahme Paipel mahsanih duwen ire wet. I pahn perenki pwurodo mwuhr oh koasoia ekei ire kan sang nan oaralap wet.

ROHNG MWAHU SANG REHN KOHT!

Peidek: Aramas tohto kin medewe me wadek kokohp kan en Paipel kin duwehte wadek doaropwehn nuhs. Irair dah kan nan kokohp wet me ke kilang de rongehr?

Iren Paipel: 2Tim 3:1-5

Mwomwen Kasalehda Pwuhken Kihla: Kisin pwuhk wet kawehwehda dahme kahrehda irair pwukat kin ni mehlel wia rohng mwahu ong irail kan me kin poakohng Koht. [Kasalehda iren mehn kasukuhl 1, peidek 2.]

WIAHDA PEIN OMW KISIN WIEPEN PADAHK

Doadoahngki wiepe wet nan karasepe pwukat pwehn wiahda pein omw padahk ong kalohk.