Kisin Wiepen Padahk kan

KAHN IROIR

Peidek: Ia duwe, ke sou pwungki me ma Paipel pwilsang rehn Koht, e kak mihmihte mendahki sohte lipilipil dahme irail me uhwong kan pahn wia pwehn kasohrehla?

Iren Paipel: Ais 40:8

Mwomwen Kasalehda Pwuhken Kihla: Kahn Iroir wet kin koasoakoasoia poadopoad kapwuriamwei duwen Paipel eh pitila.

KAHN IROIR (mwurin pwuhko)

Peidek: I pahn perenki rong omw madamadau duwen peidek wet. [Wadek keieun peidek nan pali 16.] Ekei kin kamehlele me pelien lamalam iei koasoandi en aramas ehu me re pein wiahda. Meteikan kin medewe me Koht kin ketin doadoahngki pelien lamalam pwe kitail en karanihala ih. Ia omw madamadau?

Iren Paipel: Seims 1:27

Mwomwen Kasalehda Pwuhken Kihla: Oaralap wet pil kawehwehda dahme Paipel mahsanih duwen ire wet. I pahn perenki pwurodo mwuhr oh koasoia ekei ire kan sang nan oaralap wet.

RONG KOHT PWE KEN MOUR KOHKOHLAHTE

Peidek: Kitail koaros mie adatail, iangahki atail peneinei kan oh kompoakepatail kan. A ia duwen Koht? Ia mware?

Iren Paipel: Eks 3:14 (Kasalehda kisin nting tikitik me mi pah)

Mwomwen Kasalehda Pwuhken Kihla: Kisin pwuhk wet kawehwehda soahng tohto teikan duwen dahme Paipel padahkihong kitail duwen Koht. [Kasalehda pali 6 oh 7.]

WIAHDA PEIN OMW KISIN WIEPEN PADAHK

Doadoahngki wiepe wet nan karasepe pwukat pwehn wiahda pein omw padahk ong kalohk.