Padahngki Padahk Mehlel

Tepisang nan September e pahn kin mie kisin wiepen padahk ehu me oaralape “Padahngki Padahk Mehlel” nan Doaropwehn Kasukuhl ong Mihting en Mour oh Kalohk. Kitail pahn akadeiong en kasalehda padahk mehlel mengei en Paipel kan, ni atail pahn doadoahngki ehu peidek oh ehu iren Paipel.

Ma kitail kilang me tohnihmwo perenki rong, kitail kak sewese ih en kasik atail pahn pwurehng pwurala sang ni atail pahn kihong ih ehu sawaspen Paipel de kasalehiong ih ehu kasdo sang nan jw.org. Kitail anahne song en pwurala rahnkeite mwurin mwo pwehn kalaudehla dahme kitail koasoiaiong ih mwoweo. Wiepe kapw en padahk ko oh dahme sounkalohko pahn wia pahn poahsoankihda kousapahl en irelaud kan me mi nan Dahme Paipel Kak Padahkihong Kitail? Wasao kitail kak diarada peidek kan oh iren Paipel kan me pahn sewese kitail en pwurehng pwurala de doadoahngkihte Paipel pwehn wia onop en Paipel.

Mie ahl ehute me kolahng mour. (Mad 7:13, 14) Pwehki kitail kin koasoiong aramas akan me ahneki soangsoangen pelien lamalam kan oh soangsoangen mour, kitail anahne kasalehda padahk mehlel en Paipel me pahn kamwakid emenemen irail. (1Tim 2:4) Ni atail pahn ahnla doadoahngki ekei oaralap en Paipel kan oh kalaudehla atail koahiek en “padahkihong aramas akan mahsen en Koht ni mehlel,” atail peren pahn laudla, oh kitail pahn pweida ni atail padahkihong meteikan padahk mehlel.​—2Tim 2:15.