Kasukuhl Sang Koht Powehdi Lipilipilki Aramas

Siohwa sohte kin ketin lipilipilki aramas. (Wiewia 10:34, 35) E ketin kupwurki aramas koaros sang “wehi koaros, ni kadaudok koaros, nan sahpw koaros, oh lokaia koaros.” (Kaud. 7:9) Ihme kahrehda, sohte wasa ehu nan mwomwohdisohn Kristian kan me kin mie lipilipilki emen de pwungki emen tohrohr. (Seims 2:1-4) Kitail kalahnganki kasukuhl kan sang rehn Koht, kitail kin perenki irair en popohl oh minimin me rasehng paradais ni atail kin kilang irair en aramas akan ar kin wekila. (Ais. 11:6-9) Ni atail kin nantihong en kihsang soahng kan me mi loalatail me kin pidada lipilipilki aramas, kitail kin kasalehda me pein kitail kin kahlemengih Koht.​—Ep. 5:1, 2.

KILANG KISIN KASDO JOHNY AND GIDEON: ONCE ENEMIES, NOW BROTHERS. MWURI SAPENGALA PEIDEK PWUKAT:

• Dahme kahrehda kasukuhl sang Koht mwahuong aramas akan ni ar kin nantihong en sohla lipilipilki aramas?

• Dahme ke pwuriamweiki duwen atail miniminpene nin duwen pirien ehu sampah pwon?

• Ia duwen Siohwa eh kin ketin alehdi kaping ni atail kin kolokol minimin en Kristian?