SOAHNG KESEMPWAL KAN SANG MAHSEN EN KOHT | SEREMAIA 51-52
Mahsen en Siohwa Kin Pweida ni Oaritik kan Koaros
Siohwa ketin kohpadahr ni oaritik dahme pahn wiawi mwuhr
“Edehda noumwail arep kan”
51:11, 28
Mehn Media oh Persia kan kin koahiek en doadoahngki arep oh kin kalapw doadoahngki nan mahwen. Irail kin edehda neirail arep kan keng pwe en lel aramas oh idila loale
“Sounpei en Papilonia kan tokedihsangehr ar pei”
51:30
Nting en Nabonidus koasoia: “Nein Sairus sounpei kan pedolong nan Papilon ni arail sohte mahwen.” Met ele wehwehki me irail sohte pei oh e pwungiong kokohp en Seremaia
“Sahpwo pahn wiahla koasoakoasoak en mohn ihmw . . . oh e pahn duwehla sapwtehn kohkohlahte”
51:37, 62
Tepida nan pahr 539 mwohn Krais, lingan en Papilon tepida sohsohla. Alexander Lapalap men wiahiong Papilon eh poasen kaun ahpw e mwadangete mehla. Ni tepin mwehin Kristian akan, wasahn kousoan en mehn Suhs akan kin mi nan Papilon oh ih kahrepen Piter eh mwemweitla wasao. Ahpw mwohn pahr silipwuki, kahnimwo ohlahr oh mwuhr e sohla douluhl