Pereperenki Atail Dadaurete Awiawih

Ia uwen werei ke kin awiawih sapwellimen Koht Wehio en ketido? Ke kin dadaurete ni kanengamah mendahki apwal? (Ro 8:25) Ekei Kristian kan kin lelohng kailok, wiewia sapahrek, selidi nan imweteng, de kakete kamakamala. A me tohto teikan kin dadaur pahn kahpwal kan duwehte soumwahu laud de mahmahla.

Dahme kak sewese kitail en perenki awiawih mendahki kahpwal sohte lipilipil? Kitail anahne kakehlaka atail pwoson ni atail kin wadek Paipel rahn koaros oh doudouloale. Kitail anahne medemedewehte atail koapworopwor. (2Ko 4:16-18; Ipr 12:2) Kitail anahne kapakapohng Siohwa ni ngidingid oh peki kehl me kin kohsang sapwellime manaman. (Lu 11:10, 13; Ipr 5:7) Samatail limpoak kak ketin sewese kitail “en uhdahn dadaurete ni kanengamah oh peren.”​—Kol 1:11.

KILANG KISIN KASDO WE MUST “RUN WITH ENDURANCE”​—BE CONFIDENT OF GAINING THE PRIZE, OH MWURI SAPENGALA PEIDEK PWUKAT:

• 

  Soangen “paisuwed” dah kan me kak pwarada nan atail mour? (Ekl 9:11)

• 

  Ia duwen kapakap eh kin sewese kitail ni atail kin lelohng kahpwal kan?

• 

  Ma kitail sohla kak papah Siohwa uwen laud me kitail kin wia mahso, dahme kahrehda kitail en medemedewehte dahme kitail kak wia?

• 

  Dahme seweseiuk ken kolokol koapworopwor en alehdi ketingo?