SOAHNG KESEMPWAL KAN SANG MAHSEN EN KOHT | 1 KORINT 14-16
Koht Pahn Ketin Wiahla “Mehkoaros ong Koaruhsie”
Ahnsou kaperen ehu kohkohdo ong irail kan me kin kasalehda arail lelepek ong Siohwa. Ni atail kin koasoiaiong meteikan duwen atail koapworopwor ni peren laud, koapworopwor wet pahn mehlella ong kitail. Wahnpoaron Pohl kangoange ienge Kristian akan ren kin medewehla duwen ahnsowo me Kaundahn Krais Pahr Kido pahn imwisekla, ni ahnsou me Siohwa pahn ketin wiahla “mehkoaros ong koaruhsie.”
Mehnia kapai kohkohdo kan me ke keieu perenki, oh dahme kahrehda?
Dahme kamehlelehiong uhk me sapwellimen Koht inou kan pahn pweida?